Cenedl Bwyd a Diod Ffyniannus

​

Mae gan Gymru enw da am gynhyrchu bwyd a diod o ansawdd uchel, gyda

busnesau a gydnabyddir yn rhyngwladol yn cwmpasu gweithgynhyrchu bwyd,

bragu, cynnyrch llaeth, prosesu cig, pobyddiaeth a lletygarwch. Wrth i’r

diwydiant barhau i dyfu, mae datblygu gweithlu medrus yn hanfodol i gefnogi

arloesedd, cynhyrchiant a llwyddiant yn y dyfodol. 

 

Cefnogi’r Diwydiant Bwyd a Diod yng Nghymru

 

Mae’r diwydiant bwyd a diod yn sector blaenoriaeth yng Nghymru, gan wneud cyfraniad sylweddol at economi Cymru a darparu cyflogaeth ar draws gweithgynhyrchu bwyd, bragu, pobyddiaeth, lletygarwch a diwydiannau cysylltiedig. Mae FDQ yn cefnogi cyflogwyr, darparwyr hyfforddiant a rhanddeiliaid trwy ddatblygu a dyfarnu cymwysterau a gydnabyddir gan y diwydiant sy’n helpu i gynnal safonau uchel, datblygu sgiliau’r gweithlu a chefnogi dilyniant gyrfa ar draws y sector. 

​

Mae ein cymwysterau yn sail i bob un o lwybrau Fframwaith Prentisiaethau Bwyd a Diod Cymru, gan olygu mai FDQ yw’r unig sefydliad dyfarnu sy’n gweithredu yng Nghymru sy’n gallu darparu cymwysterau ar draws yr ystod lawn o lwybrau prentisiaethau bwyd a diod. 

Rydym yn gweithio’n agos gyda chyflogwyr a phartneriaid yn y sector i sicrhau bod ein cymwysterau’n parhau i ddiwallu anghenion esblygol y diwydiant a chefnogi datblygu sgiliau ledled Cymru. 

​

Cefnogi’r Sector Bwyd a Diod yng Nghymru

​

Mae FDQ yn gweithio gydag ystod eang o sefydliadau ledled Cymru i gefnogi datblygu sgiliau a thwf y gweithlu, gan gynnwys cyflogwyr, darparwyr hyfforddiant a rhanddeiliaid allweddol yn y sector fel MEDR, y Ffederasiwn Bwyd a Diod a phartneriaid diwydiant eraill. 

Trwy weithio’n agos gyda’r sector, rydym yn sicrhau bod ein cymwysterau yn parhau i fod yn berthnasol i gyflogwyr ac yn parhau i gefnogi anghenion sgiliau’r diwydiant bwyd a diod yng Nghymru yn y dyfodol. 

 

Cymwysterau sydd ar gael yng Nghymru

 

Mae FDQ yn cynnig ystod gynhwysfawr o gymwysterau rheoleiddiedig ar gyfer y sector bwyd a diod, gan gefnogi dysgwyr o lefel mynediad hyd at gymwysterau technegol uwch. 

​

Mae ein cymwysterau ar gael ar draws ystod eang o feysydd galwedigaethol gan gynnwys:

​

• Gweithgynhyrchu Bwyd

• Bragu

• Pobyddiaeth

• Cigyddiaeth a Phrosesu Cig

• Cynnal a Chadw Peirianneg Bwyd a Diod 

• Lletygarwch

• Cymwysterau Technegol a Chydymffurfiaeth, e.e. Diogelwch Bwyd

​

​

​

Rydym wedi ymrwymo i gynyddu argaeledd deunyddiau cymwysterau yn Gymraeg a Saesneg i gefnogi canolfannau a dysgwyr ledled Cymru. 

​

Mae’r Diploma Lefel 4 mewn Gweithrediadau Bragu a Bragdy bellach ar gael yn Gymraeg a Saesneg, gydag adnoddau pellach yn cael eu datblygu lle mae galw wedi’i nodi. Os hoffai eich canolfan gyflwyno cymhwyster FDQ yn Gymraeg, byddem yn falch o glywed gennych. 

​

​​Mae cymwysterau FDQ yn cael eu rheoleiddio gan Cymwysterau Cymru a’u cydnabod gan gyflogwyr ledled y sector bwyd a diod.